07 APREL 2023 , 05:35
2009-cu il 20 noyabr tarixli “Müstəqil Dövlətlər Birliyində malların mənşə ölkəsinin təyin edilməsi qaydaları haqqında Saziş”də dəyişikliklərin edilməsi üzrə İşçi Qrupunun 07 aprel 2023-cü il tarixində videokonfrans formatında növbəti iclası keçirilib.
Azərbaycan Respublikasının İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinin və “İstehlak Mallarının Ekspertizası Mərkəzi” MMC-nin nümayəndələrinin də iştirak etdiyi geniş tərkibli iclasda Moldova Respublikasının Sazişin müvafiq müddəalarına təklif etdiyi düzəlişlər, eləcə də “İstehlak Mallarının Ekspertizası Mərkəzi” MMC-nin nümayəndələri tərəfindən qaldırılan, Sazişin icrasından irəli gələn aktual məsələlər müzakirə edilib.
