25 APREL 2025 , 14:40
İstehlak Mallarının Ekspertizası Mərkəzində Sahibkarlar Günü ilə bağlı tədbir təşkil olunub. Görüşdə “Satınalma güzəştinin tətbiqi qaydası” və Məsləhət Xidmətləri haqqında təqdimat keçirilib.
Tədbirdə iştirak edən sahibkarlara dövlət satınalmaları zamanı yerli istehsalçılara tətbiq olunan güzəşt, eləcə də bu imkanlardan istifadə qaydası və Mərkəz tərəfindən göstərilən məsləhət xidmətləri haqqında ətraflı məlumat verilib.
Qarşılıqlı müzakirə formatında davam edən görüşdə ekspertiza prosesində şəffaflıq, operativ xidmət, mövcud problemlərin həlli yolları barədə fikir mübadiləsi aparılıb, eləcə də sahibkarları maraqlandıran suallar cavablandırılıb.
